تاريخ موجز للخليقة وشرق القاهرة

قصة بائسة عن اسرة مصرية مسيحية فقيرة الست فيها مغلوبة علي امرها بتتضرب كل يوم من جوزها بسبب ومن غير سبب ,,, مع ذكر جانبي لمشاكل المسيحيين الفقراء في مصر من المتطرفين والجهلاء من فقراء الشعب المسلمين هما كمان ... دايرة عنف كل واحد بيفرغ كبته فيمن هو اضعف منه. للاسف القصة مكتوبة باسلوب مسهب زياده عن اللزوم وكان ممكن اختصارها في نص الصفحات لو شيلنا كمية الاطناب المبالغ فيها ,,, انا كملت الكتاب بصعوبة وكنت بسرح في النص من كتر الاسهاب في الكتابه كنت بنسي خط القصة الاصلي ,,, بسبب اسلوب الكتابة بس اديت تقييم قليل ,,, لكن القصة جيدة واتمني للكاتب كل التوفيق ويكتب كتب اكتر بس يقلل من الاسهاب الشديد في الكتابه رجاء