Finna kyrkjedøra i meg

På ein varm dag ser den tretten år gamle odelsguten ein vaksen mann gå avkledd. Det vekker kjensler i guten, nok til å skjøne at det går i "feil lei". Kva skal skje med odelen no? Kven skal føre slektsgarden vidare? Skal alt slutte med han? "Finna kyrkjedøra i meg" er ei sterk og sår forteljing om å vekse opp i bygde-Noreg medan homofili enno var svært skambelagt. Det er ein roman om mangel på venner, om bondens kjærleik til dyr og jord, om å finna og få leve med den store kjærleiken. Dette er Per Helge Genberg si første bok. Omtalen er utarbeidd av BS.