Moer

Skrywers word dikwels gewaarsku teen “mooiskryf”, en hier word dit oorvloedig en heeltemal oordadig aangewend, op dieselfde manier as wat Kylie wegraak in haar eie wêreld. Dit word soms bitter van al die soet, maar is beslis funksioneel in hierdie boek.

Dit wek baie emosie by die leser en word aanbeveel vir lesers wat nie begaan is oor ʼn boek wat volgens die reëls geskryf is wat jy by die skryfskool of werkswinkel geleer het nie. Dis terselfdertyd ʼn saaklike verslag en liriese prosa.

Min mense gaan lou staan teenoor hierdie boek. Lees self en besluit aan watter kant van die munt jy is.